© B. Winkler
Hüüt het een Handwarksbedrief sien Sitz, wo fröher de Kinner ut Bamhusen un Ümgegend to School gahn sünd. De eersten Henwiesen op ein Schoolhuus stammen vun 1691. Spätestens sied 1776 stunn hier dat ole Kontorat, wat een dreedeelige Langhuusbu in Niedersachsenform weer. Um 1870 wurr de Bu dörch dat ne´e Kantorat utwesselt. Wedder een Niedersachsenhus, mit een Winkelanbu för de Kantor und de Schoolmeester. Wiel de Schoolhoff praktisch nich vörhannen weer und de School to lütt worrn is, hebbt se 1961 een ne´e School an de hüütige Standort buut.
De Översetten vun de Bibel dörch Martin Luther in’t Johr 1521 in Eisenach harr ok wiete Utstrahlen op dat ut de Kehr legen Bamhusen: Schoolen wurrn in düsse Tiet vun de Reformation in ganz Sleswig-Holsteen nödig. Anfangs funn de Ünnerricht noch in frie´e Rüüm vun Buernhüüs statt. Laater wurr de Ünnerricht in richtige Schoolgebüüde verleggt. In´t 17. un 18. Johrhunnert ünnerricht de Organist de Schöler in de Anbu vun´t ole Kontorat. Vör dat 18. Johrhunnert is een Dreedeelenhus mit Wahn-, Stall und Schooltrakt belecht. Letzterer bestunn ut twee Klassenrüüm, een för de Elementar- und een för de Böverklass.
To düsse Tiet geev dat in jeedeen Dörp een School, so tun Bispeel ok in de domals noch egenständiche Dörp Lüttensee – hüüte is dat en Strootentoch (Lüttensee) von Bamhusen – un in Fiefmöhlen ok. In´t 19. Johrhunnert keem dat to een Oplösen vun düsse Nevenschoolen. De Folg weer een hohe Schölerandrang, de een Neebu nödig maakt het. Dat ne´e Kantorat mit een Schooltrakt för knapp 200 Schöler, de in dree Klassenrüüm ünnerricht worrn sünd, entstunn 1870. Dorbi harr de Lehrer sien Wahnung mit in dat Schoolgebüüde hier.
© B. Winkler
Neven enkelte Wahnung för de Lehrer un mit Töörf beheizte Avens in de Klassenrüüm wurr ok een Schooleten inrichtet. Letzen Enns verlegg de Gemeen ok noch de hiesige Bibliothek in de School.
In de 50er Johren wurr aver nochmal en Neebu vun de School nödig. Grund dorför weer dat Inrichten vun een veerte Klassenrum. Dorto nehm di Verkehr domals to un de oole School harr keen Schoolhoff. Somit haarn die Schööler keen Bewegungsspeelruum. So wurr de Standort verlagert, 1959 dat hüütig Schoolgebüüd inwieht un 1961 de oole School afreten.
Bildquelle:
J. Paarmann, Geschichte der Schule in Bergenhusen – 1. Teil. In: Gemeinde Bergenhusen (Hrsg.), Bergenhusen Dorfbuch 1 (Krempel 2004) 118-139. Zeichnung: Birgit Winkler
