© F. Mohrwinkel
Grünnd wurr dat Michael-Otto-Institut in‘ NABU 1992. Hier in dat MOIN ward Naturschuulakschoonen utdacht un wetenschoplich Grundlagen för de Stellung un Handlungsraat vun de Naturschuulbund Düütschland e.V. (NABU) erarbeit. Bavento giff dat noch een Utstellung in´t Huus to de Hoier Boiers un de tyypsche Naturrüüme in düsse Region.
En wichtige Arbeitsopdrag vun de MOIN liggt jüst vör de Huusdöör in de Eider-Treen- und Sorge-Nedderung. Hier speelt de Schuul vun de Wieschenvagels un de Hoier Boiers in dat buerlich bruukte Feuchtgröönland un in de Mooren en besünnere Rull. Tohoop mit de hier integreerte Station Eider-Treen- un Sorg, wat een Inrichten vun dat Land Sleswig-Holsteen is, un de hisige Kuno e.V., ward Naturschuulakschoonen utdacht, utprobert un evaluiert. Ok düütschlandwiet is dat MOIN mit de Swoorpunkt Utforschen un Enwickeln vun Maßnahmen to dat Bewahren vun de Artenvielfalt insbesünnere in de Landwirtschop tätig. An de Küsten vun dat Wattenmeer un de Oostsee warrt Gefahrsursaken för Küstenvagels utforscht un Naturschuulakschonen utdacht un ümsett.
De Resultaten un Insichten vun de Arbeit ut dat MOIN finnen veelfach Ingang in de Ümwelt- un Naturschuulpolitik op Landes-, Bundes- un sogor europäische Ebene.
