Dat Pasterot

Dat Pasterot is dat Huus vun uns Paster un sien Familie. Fröher wurr dat nich nur as Wahnhuus bruukt, sönnern ok as Archiv för Dörps- un Karkenböker. Fröher stunn dat Huus op de Oostsiet vun de Kark neven den Karkspeel-kroog. Um 1705 keem een Neebuu noordwestlich vun de Kark, wo dat hüüt ok noch steiht.

1737 is dat Pasterot dat eerste Maal urkundlich nöömt worrn. Dorin wurr den Paster een Wahnhuus mit Köök un Keller toseegt. Ok dree ieserne Avens, een Disch un een Bettstee in de lütte Stuuv bi de Köök sull dat Huus kriegen. In´t Kranzgesimms över de Döör is dat Relieff vun een Löwenfratz mit de Johrestahlen 1725 und 1722 to sehn. Ok Delen vun de ole Inrichten sünd noch bewohrt, as to´n Bispeel dat barocke Aktenschapp, de rechts neven de Ingangsdöör inbud is. In de Deel steiht ok noch dat ehemolige Brandschapp ut dat 17. Johrhunnert. De Dörps- und Karkenböker wurn dor in Kassetten mit Griffen opbewohrt, so kunn een düsse bi een Brand gau ut Huus dregen. In de Loop vun de Johren wurr dat Pasterot mehrmols ümbuut un renoveert. Sied 1980 befinnen sik de Wahnrüüme vun de Pasterfamilie in´t Middel- un Oostdeel vun dat Gebüüde hier. De Westflögel is een Amtsverdrag mit een egen Ingang.