© F. Mohrwinkel
De Hoier-Boier is een vun de gröttsten Vagels ut Europa un is uk ut groote Entfernung goot sichtboor. Hoier-Boiers waarn in free Wildbahn etwa 8-10 Johr old, in Gefangenschaft künnt se uk 30 Johr old warn. Hoier-Boiers sünd eern Horst een Leven lang tru. Dor beide Macker mööglich jeedeen Johr de lieke Horst besetten deit, finnen se sik jümmers wedder. Jungstörche siedeln sik ungefähr in een Krink vun 50 km to eern Geboortsoort an.
De Hoier-Boier is een Symbolfigur vun de Naturschuul un Wapenvagel vun de NABU. He hett een Spannwiete vun ca. 2 Meter bi de Flünk,een Hööchte vun 1 Meter un een Gewicht vun ca. 4 Kg. Hoier-Boiers waarn mit 2 Johr geslechtsriep, de erste Brut heb se aver meisttied erst mit dree bit fief Johr.
Wenn sik twee Hoier-Boiers an´n Nest dropen, klappern se oft. Düt is to Begröten un to Poorbillen aver ook üm Feende aftowehren. De eenzig Luden de se vun sik geev, sünd af un an Zischen un Fauchen, wat ook ton Afwehren vun Rivalen nutz waard.
Twischen Meern März un Meern April kammt de Hoier-Boiers ut eer Winterreebeet trüch. Hett een Poor sik funnen, föhrt se een Saisonehe. Mit de Tru nehmt de Deerten dat nich so genau: Dat giff jümmers wedder Fälle vun Bigamie. Bereits korte Tiet nadem sik dat Horstpoor funnen hett, geiht dat mit dat Poorn los. Bit to tein maal de Dag. Er dorbi to beluern is de eenzig Mööglichkeit, dat Geschlecht to ünnerscheden.
Kort dorop waard dart erste Ei leeg, in Afstand vun je 2 Dag folg noch een bit twee Eier, selten ook maal bit to söss Eier. Na 32 Daag Bruttiet slappen in Meern Mai de eersten Küken.
De Jungstörche kann man vun de Öllern ünnerscheden, wegen ehr Snavel un ehr Beens de swatt sünd un nich rot. De warn erst na un na rot wenn se öller warn. Na 60–70 Daag warn se flügge. Een kann se vörher bi dat Training vun de Flünkslag beluern.
Af Meern August trecken de Hoier-Boiers wedder af in Richtung Süden.
