© F. Mohrwinkel
Hoier-Boier sünd Tochvögel un vun Bamhusen sünd fast to 75 % Westtrecker. Se överwintert op de iberische Halfinsel un in Westafrika. Annere sünd Oosttrecker, se treck över den Bosporus un de Sinai-Halfinsel na Oost- oder Südafrika. Se bruken schierweg mehr as een Monat üm de 12.000 km lange Streck to schaffen.
Siet dat 19. Johrhunnert weet een, dat de Hoier-Boier inne Winter na Afrika treck. Vörher harr een veele Theoreen, wo de Hoier-Boier inne Wintertiet bleven sünd. So dache een in´t 13. Johrhunnert, dat se in´t Water ehrn Winterschlaap holt.
Üm se beter wedderkennen to könen, het een schon in dat 17. Johrhunnert dormit anfungen Hoier-Boiers mit bunte Bänners an de Been to makieren. De Bewies för de Theoree, dat se Tochvagels sünd, brööchen de ersten „Pfeilstörche“. Een poor Deerten wurrn mit Pielen in´t Liev opfunnen, welke vun er Utsehen düütlich afrikanschen Ursprungs weren. Düt wies dorop hin, dat de Hoier-Boier in de Wintertiet in Afrika ween is. Hüüt warrt de Hoier-Boier mit Hölp vun Satellitensenners nagahn.
As Segelfleger bruukt de Hoier-Boier warme Opwinnen, üm wiede Strecken to flegen. Dor dat aver keen Opwinnen över dat Water givvt, mütt se dat Middelmeer ümflegen. Dordörch deelt sik de Population vun de europäschen Hoier-Boiers in Oost- un Westtrecker.
De Grund warüm Hoier-Boier in de Wintertiet na Süden treck is, dat dat dor mehr to freten gifft, dat het nix mit dat Klima to doon. In Afrika steiht de Heuhüpper op de Spieskoort un in Südeuropa finnen se en Nahrung in Grantkuhlen, wat hier Müllkippen sünd, so dat jümmers mehr Hoier-Boiers dor de Wintertid över blieven.
Dat giff ok Hoier-Boier, de in Düütschland överwintern. Dat sünd Deerten, de wegen Krankheit in de Winter in een Opfangstatschoon levt hebbt un dordörch ehr Togdriev futsch is. Wenn dat Winterwedder to koolt is, mütt düssen Deerten tofodert warr.
