© ALSH
Ungefähr 450 m süüdwestlich vun de Brüch bi Fiefmöhlen, dat is de Stroot de von Bamhusen nach Meggerdörp föhrn deit, het mon in de oole Sorg bi Baggerarbeiten een oole insniedige Hiebsweert funnen – een so nöömtes Sax. Mit een Länge vun 48 cm is dat ehr ein lütte un as een Saxmess to beteken. Saxe weern vun de Isentiet bit in dat Hööchmiddelöller verbreed. Düsse besünnere Form belegt aver, dat dat Saxmess ut de Wikingertiet (800–1050 n. Chr.) stammen mutt. Een staatschen Anblick har dat Fundstück afgeven hem: Knauf un Parierstang weern op de Schausiet mit smalle Goldband beleggt. Un Böver- und Ünnersiet vun dat Sax wurrn in Füer vergoldet.
Dat Saxmess wurr vun de Wikinger in´ Kamp as Hievwapen nutzt. Un dat tosamen mit een Rundschild ut Holt. Dat Rundschild harr een Dörchmeter bit 100 cm. Ebenso weer dat Sax aver ok een Aldagswarktüüg. Düsse Sax worr ok jede Dag bruukt, to´n Bispeel vör Holtarbeiden. Seker weer een Saxmess eher een billige Wapen: Wenn du een Langsweert köpen wullt, denn weer de Snied so düer as een Peerd. Een lütte un korte Sweert harr bloß de Pries vun 40 kg Koorn. Vör dat smückte Stück ut de Sorg hett de Besitzer wohl dütlich mehr betahlen muss. Dorüm weer he bestimmt bös füünsch as he dat Mess verloren harr. Bit hüüt sünd ut de Wikingertiet hier keen Siedlungsspuren in de Neegde bekannt. Unse Treen wurr bannig oft vun Hannelschipp vun de Wikingertid nutzt worrn. Man geiht dorvun ut, dat de Wikinger de Sorge ok befohrt hem üm Hannel to drieven or Siedlungsgrund to söken. Dorbi kunn dat goot angahn, dat düsse Mess över Bord gahn un in de Matsch verswunnen is.
Bildquelle:
G. Loewe, Archäologische Denkmäler Schleswig-Holsteins, Bd.8, Kreis Schleswig (seit 1974 Kreis Schleswig-Flensburg), Neumünster 1998, Tafel 152, 1.
