De Windmöhl „Margaretha“

Hier kiekst du vun Noorden över de Möhl vun de ehemalig Lüttsee in Achtergrund
© C. Keuer

An´t Enn vun de Möhlenbarg stunn 1830 een Windmöhl, se weer in Gegensatz to vondaag mit Stroh indeckt. Dat Wahnhuus, de Schüün un de Swienstall stunnen direkt nevenan. In April 1891 is de Möhl dann ganz daal brennt. Dat Wahnhuus kunn rettet warrn. De Möhl wurr noch in´t glieke Johr wedder opbuut, over baven op de Barg. Se wurr na de Fru vun de Müller „Margaretha“ nöömt. 1965 hett de Möhl dat mohlen opgeven. Wölke Deelen vun de Möhl sünd afbroken worrn. Een ne´e Eegen restaureert siet 1991 de Möhl ganz leevevull. So keem dat, dat de Möhl Margaretha hüüt de eenzige Möhl in Stapelholm is, de noch mohlen kann. Se hett een Schellmaschien un windgängige Flögel.

Laat di dat vörlesen

Bit 1957 wurr hier mit Windkraft mahlt, bevör Flögel, Kapp und Windroos afnohmen wurrn sünd. Inn Tooch vun de Renovatschoonsarbeiten wurrn düsse intwüschen wedder anbröcht. De Flögel warrt to besünnere Gelegenheiten ok bespannt, un so kann man wedder beobachten, wie sik de Möhlenflögel inne Wind dreihen dot. Mit een lüüte vun een Elektrotechnik bedrevenen Mohlgang kann all wedder Koorn mahlen warn, doch een Dag schall de Möhl wedder mit Wind mahlen könen.

Schellmahlgang to´n Maak vun Gruven, mehrstendeels ut Gassen (sacht Midden 1920 er Johren). Op de Trichter Afdruck vun en Sackstempel: „Paul Mahrt Möhl Bamhusen“
© C. Keuer

Kiek doch noch mal op de Websteed vun de Möhl “Margaretha”. Door kann`s du dir de Möhl ankieken un ok mol na binnen luschern.