De Kark

Op dat Dack vun unsre Kark steiht dat Bujohr 1712 to lesen. Se is dormit de jüngste Kark in Stapelholm un hett domals de bufällige oole Kark aflös. Een weet nich wie lang düsse vörherig Bu schon stahn hett. Um 1304 woor Bamhusen dat erstemal urkundlich in een karkliche Tosamenhang nöömt. Dormit weet een, dat dor schon een Kark stohn hem mutt. Een geiht davon ut dat in 12. Johrhunnert een Felsenkapell grünnd worrn is.

Nadem de Kark in´t 18. Johrhunnert so bufällig worrn is, dat in er keen Goddesdeensten mehr afholen worrn kunn, hett de Hertog vun Slewsig-Holsteen-Gottörp dat Heelmaken vun de Kark un vun de Klockenturm in dat Johr 1711 in Opdrag geven. De Gemeen hett aver besloten, op de utbuten Grundmuern vun de Kapell een ne´e, groote Kark to buen. Dat fehlende Geld worr dörch twee Karkenbulotterien inspeelt. So kunn am 14. Dezember 1712 in Biewehn vun de Hertog de nee Kark inwieht warrn. De Ecksteen an de Oostsiet vun de Kark tüüg noch bet hüüt vun düsse Bugeschicht.

Bi de Renovieren wurr aver nich allens nee makt: Steen vun de ole Kark worrn to de Niebu vun de Soolkark bruukt, deren breete, spitzbogige Fenster an de Gotik erinnern deit. Anners as dorto steiht in de Altarruum mit een um 1650 entstohne Altaropsatz in een barocken Stil. Ok da gotische Dööpbecken ut düüstere Marmor kümmt noch ut de ursprüngliche Kapell. Dat Becken is dörch sien besünnere Grötte op katholischen Tieten torüch to föhren: Dat Becken is so groot, um de Lütten bi de Dööp ganz ünnerdükern to könen. Ebenso worr ut de ole Kark de Kanzel ut dat Johr 1637 övernomen. De Inschrift segg düsse worr vun Katharina Odefey, de Witwe vun den Karchspeelwaagt, stiftet.

To dat Karkspeel Bamhusen hörrn ok de Gemeen Wohld und Meggerdörp. Vun düsse Verbunnenheit tüüg de groote Ingangsdöör, de vun´t Karkenschipp in de Toorn föhrt: De Maleree an de Binnensieten vun düsse Döör wurr 1734 vun de Meggerdörper Dörpslüüd stiftet. De Maleree wiesen de eenzige Op in de Kark un föhrt bit hüüt besünners bi Truerfiern vun de Gemeen sinnbildlich vör Ogen, dat de letzte Weg no den Karkhoff in´t Licht vun de Op gahn warrt. De Karkhof sülvst befunn sik toneegst traditschoonell bi de Kark un wurr 1863 op de Koppel westlich vun de Kark verlegt.