Moin un hartlich Willkamen in Bamhusen!

Wi freud uns bannig över juun Intress an uns schööne Dörp un sien veeln Sommergäst, de Hoier-Boier. Över 20 Poren nisten jeden Sommer bi uns, dor gifft dat veel to finnen un allerhand Need to lehren: Nich nur över Hoier-Boiers, sünnern ok över de Geschicht vun uns Dörp.

Dat geiht best op egen Fuust – to Foot or mit dien Fohrrad. In´t Dörp sünd hierto twee Rundweeg utschillert (sülvern Sülen mit blaue un/or rode Pielen), op düssen finnen se en poor groote blaue Tafeln mit de wichtig Informatschonen to uns Hoier-Boiers un sein Levensruum.

Se wüllt noch mehr weten? Denn bruukt se geern uns Smart Guide! Vör dat sünd in´n Dörp un in de neegste Ümgegend an besünnere Orten Schiller mit QR-Codes opstellt worrn:

Wenn se dat mit dat Smartphone scannen, denn kriegt se naue Informatschonen över bestimmte Hoier-Boier-Nesters or Sehenswürdigkeiten. Düsse stahn ok op Engelsch, Däänsch or Hochdüütsch to Verfögen. Se hebbt bavento de Möglichkeit, sik de Text vörlesen to laten. Dorvör sünd düsse all vun Snackers*innen in´t Tonstudio profesch insnack worrn.

De naue Steed vun de QR-Codes un noch mehr nützlich Informatschonen finnen se in twee Foolbläder, de se an zentralen Steden in´t Oort kriegt un in´t Michael-Otto-Institut in NABU (Goosstroot 1). Dor widmet sik en Fooltblatt den Hoier-Boier, de anner de Kulturgeschicht vun Bamhusen. De Padds könnt se an ehren Logos goot Ünnerscheden:

Padd vun de Hoier Boier „In Dörp vun de witten Hoier-Boier“
Op twee Rundweeg kriegt se allens to weten vun de Hoier-Boiers. Wenn se de rode Rundweg nahgaht, kammt se op en korten Run dör´n Oortskern an veele Nestern vörbi. De länger blaue Rundweg föhrt ergänzend dör de Eetensflachen vun de Hoier-Boier in de Sorgnedderung. Düssen Schiller hebbt för besünners Wetenshungrige en Ergänzung to de all vörkamen Infotafels.

Padd vun de Geschicht „ Kultur drööp Natur“
En Fohrradtour dör Bamhusen un in de negere Ümgegend föhrt se to verscheden archeologisch Landdenkmalen un Fundöörd as ok to sehenswerte historsche un modern Gebüden. So kriegen se to weten, as de Minsch de em ümgeben Naturlandschap makeert hett un letztlich to en Hoier-Boier-Paradies maakt hett: Toeerst mit dat Weten över de Verleden kann en de Nutiet verstahn.

Achteran to´n Rundgang finnen se ok an meist all Nestern Tippschiller mit QR-Codes:

Wat is los in’t Nest?
Hier finnen se Informatschonen to de Nestern un de bröden Hoier-Boiers. Op de egen hierför inricht Homepage ward jümmerto de Bidrääg dörch uns Mitarbeider aktualisiert, so köönt se de Schehnisse in´t Nest live nahgahn.

Wi wünsch jüm en opregen Opholen!

Dat Team vun dat Michael-Otto-Institut in NABU