© ALSH
De Treen weer vör 1000 Johr een wichtige Waterstroom üm gefährliche Ströömungen to ümgahn, z. B. in´t Kattegat un twüschen Jütland un de schwedische Westküst. So wat as een middelöllerliche Noord-Oostsee-Kanal. Vun de Oostsee kun man över de Slie bit to de groote Wikingersiedlung Haithabu gelangen. Dorna gung dat 15 km mit Ossenkarren över dat Land na Hollingstedt. Hollingstedt ligg an de Treen un harr een Haven, vun dor ut is man över de Treen na de Eider kamen un toletzt in de Noordsee.
Dat eng Landstück twüschen Hollingstedt und Haithabu weer to düsse Tiet dörch dat Dannewerk schuult. Dat is een rund 30 km lange Wallanlaag. Schon siet dat 5. bit 6. Johrhunnert markiert düsse Wall de Südgrenz vun de Dänen. Dat weer besünners in de Wikingertiet vun Bedüden (ca. 800–1050 n. Chr.). Damals sekert de Anlaag de Landhannelsweg na Haithabu. De Lastenschipp von de Wikinger heten Knorr un weern mit Glas- un Keramikpütt ut Rheinland beladen. Düsse hett een hier oft sehn.
Annere Informatschonen över de Haven vun Hollingstedt finnst du in dat „Hollinghuus“ an de Hauptstroot Ecke Nedderend un Klues (Nedderend 1), över dat Danewerk op de Websteed vun de „Danevirke Museum“ un över Haithabu op de Websteed vun de Winkinger Museum.
