© F. Mohrwinkel
Hier stunn fröher de Dreeschmaschien för Bamhusen. De Buern ut de Umgebung hebbt düsse Schuppen bruukt üm eer Koorn dreschen to laten. Ok een gemeensam bruukte Buschhacker – hüüt würr man „Häcksler“ darto seggen – to´n lütt maken vun Gehölz weer hier to finnen. De Naam „Damperschuppen“ leit sik vun de Lokomobil af, en mobile Dampmaschienanlaag, de mit Peern to ehrn Insatz na Bamhusen brocht wurr is un hier de beiden Maschinen andreeven het.
