© F. Mohrwinkel
In´t Holt vun Brunsholm giff dat tominnst 38 Graffhügel, de een Hülsbarge nennen deit. Hüls heit Ilex un af Hochdüütsch Stechpalme. De gröttste Hügel is hüüt noch ca. 1,3 m hoch und hett 24 m Dörmeter. De heele Hügel wurr vun een groote Voßbu innahmen. Dorum wart dat Stück ok Voßbarg nöömt. Bit in de meern vun 20. Jh. kunn een rund um de Hülsbarge noch Findlinge sehn. Düsse sünd mit de Tiet afsammelt und utbuddelt worrn. De genaue Tietpunkt is bet hüüt nich kloor, dor keen Utgraven stattfunnen hett. Vun de Buort, Form und Grötte warrt annohm dat de Hügel in de öllere or middlere Bronzetiet anleggt wurrn sin, wat ca. 1800–1200 v. Chr. is.
Ok de Standort weer vör de Bronzetiet typisch. De Graffhügel befinnen sik op een Geestanhöchde. Domals stunn in düsse Rebeet keen Holt, dat Gelände full vun do ut een beten na Süden af un so kunn een de Graffstee vun Westen över de Treenemarsch goot sehn. Dat weern bannig groote Geländemarken. Hüüt sünd düsse Hügel kuum noch to sehn, Arbeiten mit Ploog, Erosionen und Holt mookt dat schwor de utfinnen to mooken.
In düsse Graffhügel weern anners as bi Grootsteengräver nur een doode Minsch bin. Dat weern wichtige Lüüd ut Dörp, de watt to seggen harrn, denn de Obwand vör so een Graff weer banning hoch. Oft woorn laater noch anner Lüüd dorto leggt. För de Bestattung worrn Boomstämme half durchschneeden un uthöhlt un de Doode dor mit rinnleggt. Um düsse Boomstämme (sog. Baumsarg) wurr Steen leg un mit Eer afdeck. Bi de Dooden hett man Schmuck, Waffen un Warktüüch fun. Ook Tonpütt mit Eeten un watt to Drinken woorn mit bigeven.
So een Graffhügel kann man sik in de Steentiedpark in Albersdörp ankieken un sogar ringahn. Kum man mol hin!
