Freten vun de Hoier-Boier

De frisch düngt Wischen beden en riek deckten Disch för de Hoier-Boiers
© F. Mohrwinkel

Wat dat Freten angeiht, is de Hoier-Boier en Opportunist. He nimmt vun dat, wat veel dor is: Müüs, Rotten, Eerslieker, Fisch oder ook Poggen. Een süht se oft achter een Trecker achteran lopen, denn de frisch meihten Wischen beden se een toole Mahltied: Vörher good versteken – z.B. Müüs – sünd nu good to finnen.

Laat di dat vörlesen

Op de Jagd na Müüs un anner Leckeriin schritt de Hoier-Boier op de Wisch un stött flink mit den Snavel op de Müüs heraf. Een utwussen Hoier-Boier bruk pro Daag een söventel vun sein egen Körpergewicht vun sein Lief as Nahrung. Bi een Gewicht vun 3,5 kg ergiff dat 500 g. Gröttere Beutedeerten warrn heel un ungedeelt rünnerslungen. Deele de nich verdaut warrn künnt, warrn as bi de Uul utspien.

Anfangs bliff een Deert vun de Öllern bi de Jungen, wieldess de anner in Ümkreis vun 2,5 km na wat to Freten söcht. De Hauptnahrung för de Küken besteiht meistetiets ut Regenwörms un Insekten. Na etwa dree Weeken möten beide Öllern to lieker Tiet na wat to Freten söken. Een lütten Hoier-Boier bruk nu bit to 1,5 kg Freten – per Daag! Je mehr Foder dat geben deit, je mehr Küken kaamt dörch.

Na dat Flüggewarrn geiht de Familie tohoop op Fodersöök. Oft warrd dat heele Foder in den Horst bröch un erst dor verfodert. De Jungen beddeln in eer Horst as uk op dat Feld. Laater entwöhnen de Öllern ehr Jungen indem se nich mehr op den Horst flegen, sünnern nevenan op dat Dack töven.